TABIA HIZI BUNGENI HIVI NISAWA

MBUNGE AFYATUA RISASI BUNGENI BAADA YA KUTOKEA MABISHANO KATI YAKE NA SPIKA.

MP fires AK-47 during Jordanian parliament session!

Katika hali isiyo ya kawaida mbunge mmoja nchini Jordan alifyatua risasi ndani ya bunge baada ya kutokea mabishano kati yake na mbunge mwenzake ambaye ni Spika wa bunge.
Hata hivyo hakuna mtu aliejeruhiwa na imekuwa ni kawaida kwa Wabunge wa bunge la Jordan kushikana mashati na kurushiana ngumi.

Source: BBC swahili habari saa 3:00 usiku.

A Jordanian MP opened fire on his colleague inside the Jordanian House of Representatives on Tuesday morning, following an argument during the parliamentary session.
According to Roya News, an Amman-based news service, MP Talal Al Sharif opened fire using a Kalashnikov automatic weapon on his colleague MP Qusai Dmeisi the inside of the House of Representatives on Tuesday.
Early reports from Al Ghad news, a Jordanian newspaper, Sharif opened fire using the AK-47 during a Foreign Affairs Council meeting at the House of Representatives, which lies in the Abdali area of Amman.
According to Al Ghad, it was not immediately clear why Sharif opened fire.
Although MP Sharif fired the AK-47, Deputy Qusai Dmeisi (Zarqa, 4th District) was also involved in a brawl in the Parliament earlier this week, when he tried to attack Yihya Saud (Amman, 2nd District) to prevent Saud from accusing Prime Minster Abdullah Ensour. As all parliamentary sessions are filmed, there is a video of the clash between the two MPs from earlier this week.
There is a long history of clashes in the Jordanian parliament, with many sessions having to be adjourned over violence.
CHANZO: http://www.albawaba.com/news/jordan-...ent-gun-519385

Kamati za vyama zinapogeuka

‘kichaka’ cha kuficha wezi

Badala ya kutumika kulinda maslahi ya umma, vikao vya kamati za vyama vimegeuka kichaka cha kulinda wezi, mafisadi na wabadhirifu wa mali za umma.

Arusha. Wakati Watanzania wakitafakari hatima ya Bunge la Jamhuri la Muungano na jinsi linaloyumbishwa na itikadi za vyama wakati wa uamuzi wa mambo muhimu na yanayogusa masilahi ya umma, baadhi ya wabunge wanadai bunge hilo limepoteza sifa.

Wabunge hao kutoka  chama tawala, CCM na mpinzani wake, Chadema wanadai Bunge limepoteza sifa muhimu ya kuwa moja ya mihimili mikuu ya dola na badala yake limegeuka kamati ya chama.

Katika mahojiano maalumu na gazeti hili jijini Arusha, wabunge hao, Deo Fulikunjombe, Kangi Lugola, Ally Mohamed Keissy, wote kutoka CCM na Zitto Kabwe (Chadema), wanakiri kuwa Bunge la sasa limekosa msimamo wa pamoja katika kusimamia mambo ya msingi yanayogusa maisha ya wananchi, badala yake mijadala mingi huegemea itikadi za vyama.

Wakiwa jijini Arusha ambako walihudhuria mkutano wa kumi wa Umoja wa Kamati za Bunge za Hesabu za Serikali kutoka Nchi za Jumuiya ya Maendeleo Kusini mwa Afrika, SADC (SADCOPAC), wabunge hao wanadai kuwa badala ya kutumika kulinda masilahi ya umma, vikao vya kamati za vyama vimegeuka kichaka cha kulinda wezi, mafisadi na wabadhirifu wa mali za umma.

Kangi Lugola, Mbunge wa Mwibara ameitupia lawama za moja kwa moja kamati ya CCM inayoongozwa na Waziri Mkuu, Mizengo Pinda kuwa inawaziba midomo wabunge wa chama hicho tawala kila zinapoibuka hoja za msingi zenye faida na masilahi kwa umma.

“Wezi, wabadhirifu, mafisadi na watendaji wa Serikali wanaokiukamaadili na kushindwa kutimiza wajibu wanalindwa  asishughulikiwe na Bunge kupitia kamati ya chama kwa kisingizio cha kulinda masilahi ya chama na Serikali. Kamati ya chama imekuwa kichaka cha kulinda wezi?” anasema na kuhoji Lugola.

Anasema Bunge sasa linatumia wingi wa wabunge wa CCM kama kichaka cha kuridhia kila hoja ya Serikali bungeni bila kupima faida na madhara yake kwa umma, jambo linalozidi kuwapa sifa wapinzani ambao licha ya uchache wao, husimama kidete kupinga na hivyo kuungwa mkono na umma huku CCM ikizidi kupoteza haiba.

“CCM ikitaka kutekeleza ilani yake ya uchaguzi, basi ituache sisi wabunge wake tuikosoe na kuisimamia Serikali yake badala ya kazi hiyo kuachiwa upinzani pekee,” anasema na kushauri Lugola.

Bila kuonyesha mzaha, Lugola anataja mihimili ya dola iliyosalia sasa baada ya Bunge kupoteza hadhi yake kuwa ni Kamati za Vyama (Kamati ya Wabunge wa CCM), Mahakama (sheria) na Serikali (utawala).

Vita dhidi ya ufisadi na dawa za kulevya

Lugola anasema wezi, mafisadi, wabadhirifu wa fedha na mali za umma pamoja na wafanyabiashara wa dawa za kulevya nchini wanajulikana kwa majina, sura na mavazi yao, lakini hawaguswi kwa madai ya kukilinda chama kana kwamba CCM ndiyo inawatuma kutenda maovu hayo.

“Watu binafsi wanaohusika na uhalifu washughulikiwe kwa maovu yao wanayoyatenda kwa utashi wao baada ya kukabidhiwa madaraka na ofisi za umma. Chama kisiwakingie kifua kwa kutuita kwenye kamati,” anasema Lugola.

Anasema kauli ya Waziri wa Nchi, Ofisi ya Waziri Mkuu (Sera, Uratibu na Bunge), William Lukuvi kuwa akitaja majina ya wanaojihusisha na biashara ya dawa za kulevya kutatokea mtafaruku bungeni, inalenga kudhoofisha hoja na vita ya kupambana na madawa ya kulevya miongoni mwa wabunge.

“Lukuvi (Waziri) anawatia hofu wabunge ili waogope kuishinikiza Serikali kutimiza wajibu wake kwa kupambana na janga hili la dawa za kulevya.

Hakuna shaka kuwa anajenga picha kuwa tunahusika na tunahonga ili tusikamatwe sisi, ndugu au marafiki zetu wanauza unga. Serikali haina nia ya dhati kushughulikia wauza unga,” anasema.

Keissy (Mbunge wa Sumbawanga Kaskazini) kwa upande wake, yeye anakwenda mbele kwa kuitaka Serikali kuwasilisha marekebisho ya sheria bungeni kuruhusu wezi, mafisadi na wabadhirifu wa fedha na rasilimali za umma kunyongwa hadharani kama inavyofanyika nchini China ili kutoa fundisho kwa wengine. “Viongozi wahojiwe utajiri wao wa fedha na mali nyingi wanazomiliki wao na familia zao mara baada ya kukabidhiwa ofisi za umma. Wakishindwa washtakiwe, wafungwe maisha na ikiwezekana wanyongwe,” anasema Keissy

Kwa upande wake, Filikunjombe (Mbunge wa Ludewa) yeye anawaasa wabunge wenzake bila kujali itikadi zao kuweka mbele masilahi ya umma badala ya vyama vyao wakati wa kujadili na kuamua hoja mbalimbali bungeni.

“Ndiyo… vyama vinatupa tiketi ya kugombea. Lakini tukishakuwa wabunge, hatuongozi wanachama wa vyama vyetu pekee bali Watanzania wote. Lazima maneno, matendo na uamuzi wetu uweke mbele masilahi ya taifa badala ya vyama vyetu,” anasema Filikunjombe.

Filikunjombe anaongeza kuwa  utashi wa kisiasa miongoni mwa viongozi ndiyo njia pekee itakayotokomeza wizi, ufisadi, matumizi mabaya ya fedha na rasilimali za umma pamoja na utoroshaji nje wa fedha na rasilimali za umma.

Hoja ya wabunge hawa kutoka Tanzania inaungwa mkono na mwenzao kutoka Uganda ambaye pia ni Mjumbe wa Kamati ya PAC nchini humo, Ssewungu Gonzaga (DP), anayesema vyama tawala barani Afrika vinaweka mbele itikadi za kisiasa wakati wa kujadili na kuamua hoja zinazohusiana na wizi, ubadhirifu na matumizi mabaya ya fedha na rasilimali za umma serikalini.

Mwenyekiti wa Kamati ya Hesabu za Serikali nchini (PAC), Zitto Kabwe (Kigoma Kaskazini-Chadema) licha ya kuunga mkono uwepo na umuhimu wa kamati za vyama bungeni kwa nia ya kulinda nidhamu, msimamo wa pamoja, itikadi na sera, lakini anasema masilahi ya umma unapaswa kuwekwa mbele kwenye kila jambo.

“Kamati za vyama zihusike kulinda masilahi ya umma badala ya vyama. Vyama vya siasa vitakuja na kuondoka lakini taifa na masilahi ya umma vitadumu milele,” anasema Zitto.

Anawashauri wabunge wote kutumia kwa tahadhari masilahi yao wakati wa kujadili na kupitisha uamuzi bungeni ili mwishowe taifa na umma viwe vimenufaika.

Zitto anataja aina tatu za masilahi ya wabunge kuwa ni masilahi ya taifa, masilahi ya jimbo (wapigakura) na masilahi binafsi (utashi) na kusema masilahi ya umma yanastahili kuwa juu ya yote.

Mkutano huo wa SADCOPAC uliohudhuriwa na wajumbe zaidi ya 300 kutoka nchi 28 ulilenga katika kuwajengea wabunge ambao ni wajumbe wa kamati za hesabu za Serikali uwezo wa kufuatilia na kusimamia matumizi sahihi ya fedha na rasilimali za umma........

Kuyumba kwa kiti cha spika,

athari zake kwa Bunge

Mpaka sasa kutolewa nje ya ukumbi wa Bunge kwa wabunge wa upinzani, imeonyesha kuwa uwezo wa kiti cha Spika umefikia mwisho katika kutafakari uamuzi wake

Tangu kuchaguliwa kwa Spika Anne Makinda na naibu wake Job Ndugai kuongoza Bunge la Jamhuri ya Muungano wa Tanzania, kiti hicho kimeonekana kuwa na changamoto nyingi katika kila kikao cha Bunge kinachofanyika Dodoma.

Takwimu zinaonyesha mpaka sasa kuna zaidi ya rufaa kumi za malalamiko dhidi  ya uongozi na kiti cha Spika.

Rufaa hizo zimefikishwa kwenye uongozi wa kamati ya kanuni na hadi sasa hakuna hata moja iliyowahi kujadiliwa na kutolewa uamuzi.

Katika mwendelezo wa matukio ndani ya Bunge hilo,  Septemba 5, mwaka huu, mvutano mkali uliokuwa na dalili mbaya uliibuka ndani ya Bunge.

Naibu Spika, Job Ndugai alifikia hatua ya kuagiza Kiongozi wa Kambi Rasmi ya Upinzani, Freemon Mbowe na Mbunge wa Hai atolewe nje ya ukumbi wa Bunge kwa  madai ya ukaidi.

Uamuzi huo ulitolewa baada ya wabunge wote wa vyama vya CUF, Chadema na NCCR- Mageuzi kusimama na kuendeleza msimamo wao wa siku moja awali kupinga kuendelea  kwa mjadala  wa Muswada wa Sheria wa Mabadiliko ya Katiba na badala wakitaka usitishwe baada ya kubainika kuwa na udhaifu.

Katika muswada huo, mbali na hoja za Chadema, hoja kuu nyingine iliyokuwa imeteka Bunge ni kukamilika kwa muswada huo bila kuwashirikisha Wazanzibari.

Kutokana na mwendelezo wa mivutano hiyo, mitazamo mbalimbali imekuwa ikijadiliwa huku baadhi wakidai kuwa ni afya na ukomavu wa Bunge hilo.

Aidha, makundi mengine yamekuwa yakitoa lawama zake kwa viongozi wa kiti hicho, Spika Makinda na msaidizi wake, Ndugai.

Hata hivyo,  Ndugai amekuwa akinukuliwa katika vyombo vya habari akisema kuwa sababu kubwa ya kuwapo kwa vurugu hizo bungeni ni utovu wa nidhanmu unaoonyeshwa zaidi na wabunge wa kambi ya upinzani.

Kutokana na mazingira hayo ya Bunge,  baadhi ya wachambuzi wa masuala ya siasa nchini  wanaona sababu na mwelekeo wa Bunge hilo kwa sasa unatupeleka pabaya.

Ukiukwaji wa kanuni

Moja kati ya sababu zinazodaiwa kuwepo kwa mivutano hiyo ni pamoja na ukiukwaji wa kanuni. Hatua hiyo imekuwa ni wimbo ndani ya Bunge hilo.

Akizungumza juu  ya hilo, Julius Simbeye  ambaye ni mwanafunzi wa Chuo Kikuu Ardhi jijini Dar es Salaam anasema Spika na naibu wake wameshindwa kusimamia hata kanuni za Bunge kwa sababu ya kuendekeza itikadi za vyama.

“Mfano mzuri unakumbuka wakati Bunge la Bajeti , mjadala wa Ofisi ya Waziri Mkuu, Aprili 18  kulikuwa na matusi yasiyostahili kusikika mbele ya watoto sebuleni, wabunge tusiotarajia kutukana , mfano Juma Nkamia Peter Serukamba, Mchungaji Peter Msigwa ni aibu sana,” anasema Simbeye.

Simbeye anasema kutokana na ukiukwaji wa kanuni unaoruhusiwa na kiti cha Spika, udhaifu unaotokana na mivutano isiyokuwa na tija imezidi kuongezeka.

“Spika anakosa nguvu, labda ni kwa sababu ameonekana kutumwa, wanaotukana matusi ni wote, lakini anajikuta anashindwa kusimamia kanuni na kutumia uamuzi ya kimabavu,”anasema Simbeye.

Uamuzi ya kimabavu

Mpaka sasa kutolewa nje ya ukumbi wa Bunge kwa wabunge wa upinzani, imeonyesha kuwa uwezo wa kiti cha Spika umefikia mwisho katika kutafakari uamuzi wake.

Naibu Spika (Ndugai) ndiye  ambaye amekuwa akitumia adhabu hiyo mara kwa mara.

Mfano, katika Bunge la Bajeti alifukuza wabunge wa Chadema kutohudhuria vikao kwa siku tano. Mbali na hilo wiki iliyopita aliagiza askari kumtoa nje kiongozi wa kambi rasmi ya upinzani, Freeman Mbowe kwa madai ya kuongoza mgomo wa kuendelea na mjadala wa Bunge.

Akisisitiza juu ya hilo, Mkurugenzi wa Taasisi ya Raia ya kufuatilia Utendaji wa Bunge (CPW),Marcossy Albanie anasema matumizi ya adhabu hiyo mara nyingi yamekuwa yakitumika kibabe na kinyume cha kanuni.

 “Hakuna kipengele cha kanuni kinachobainisha ukomo kwa mbunge kuomba taarifa pale anapoona mbunge mwingine amezungumza jambo lisilokuwa na ukweli, lakini Lissu ametolewa nje  baada ya kuomba taarifa kwa madai ya kuomba mara nyingi, ” anasema Albanie.

Uwezo wao

Mfanyabiashara wa Mwanza,  Merick Masuke anaongeza kuwa vurugu hizo zinasababishwa pengine na uwezo mdogo wa viongozi hao katika kukabiliana na hoja za wabunge machachari.

Anasema Bunge la sasa ni tofauti na lile la miaka 10 iliyopita ambapo kuna idadi kubwa ya wabunge wenye uwezo mkubwa wa kuchambua mambo na wazalendo.

“Ukiangalia uwezo wa wabunge vijana kama vile, John Mnyika, January Makamba, Zitto Kabwe na wengine wanaonekana kuwa na uwezo mkubwa wa kujenga hoja zinazomshinda Spika kuzikabili,” anasema mfanyabiashara huyo.

Kulinda maslahi ya chama.

Sababu nyingine ya vurugu hizo inadaiwa kuwa ni kutokana na propaganda za kisiasa zilizofanikiwa kuliteka Bunge hilo. Hatua hiyo imesababisha kuwepo kwa ukandamizaji wa hoja binafsi za wabunge.

Asasi za Kiraia zikiwamo Kituo cha Sheria na Haki za Binadamu na The Citizens’ Parliament Watch(CPW),  Februari 13 mwaka huu  zilitoa tathmini ya mwenendo wa Bunge hilo ambapo moja kati ya sababu ilizotaja ni kuzimwa kwa hoja nyingi za wabunge.

Asasi hizo zilieleza kuwa Bunge limekuwa likivunja hoja mbalimbali za wabunge kwa kuangalia maslahi  na mitazamo yake.

“Kuna baadhi ya wabunge waliotoa hoja binafsi zenye maslahi kwa taifa lakini Bunge likazivunja, hiyo siyo haki na utaratibu wa kibunge lenye kufuata misingi ya kidemokrasia,” ilinukuu sehemu ya ripoti yake.

Mhadhiri wa  Chuo Kikuu cha Dar es Salaam, Profesa Gaudence Mpangala anaongeza kuwa hatua hiyo ina mipango ya kujihami na hatari ya kupoteza nguvu ya chama chake na uaminifu alionao ndani ya chama na serikali.

“Hatupaswi kuwalaumu Spika na naibu wake wametumwa tu, kwanza wanahofia yasiwatokee kama ya Samweli Sitta, wanaporuhusu zaidi hoja za wapinzani ndivyo wanavyozidi kupoteza umaarufu wa CCM. Kwa hiyo akifuata haki, lazima atakuwa kinyume na CCM, ” anasema Profesa Mpangala.

Profesa Mpangala anasema uamuzi wa kiti cha Spika umekuwa ukidhihilisha wazi kutekwa na misimamo ya serikali. Aidha, anasema kutokana na hoja mbalimbali za kambi ya upinzani, mwonekano huo ni matokeo ya serikali iliyobakia na chembechembe za utamaduni wa chama kimoja.

“Kuna sababu za kihistoria, kama kuna maovu na uchafu utakaoendelea kuibuliwa na upinzani, hali hiyo inaweza kuiathiri serikali, lakini upinzani wao watakuwa wananufaika. Kwa hivyo mambo haya yanawajengea wapinzani umaarufu wa kisasa,” anasema ..........

HIVI NI NANI MTETEZI WA WALALAHOI....