MSAFARA WA MBIO ZA MWENGE WAPATA AJALI

 

 

 

MSAFARA WA MBIO ZA 

MWENGE WAPATA AJALI

Magari matano yaliyokuwa katika msafara wa kukimbiza Mwenge wa Uhuru yalipata ajali jana katika kijiji cha Fufu kilichoko wilayani Chamwino. Magari hayo yalikuwa yakitokea Wilaya ya Dodoma kuelekea kwenye makabidhiano wilaya ya Mpwapwa.

Katika ajali hiyo watu tisa wakiwemo kiongozi wa Mbio za Mwenge wa Uhuru, Juma Ally (32) wamejeruhiwa na kulazwa katika hospitali ya Rufaa ya Mkoa wa Dodoma. KWa mujibu wa taarifa iliyotolewa na Kaimu Mganga Mkuu wa Hospitali ya Dodoma ni kwamba hali za majeruhi zinaendelea vizuri.

Ajali hiyo ilisababishwa dereva wa moja kati ya magari ya msafara , kushika breki ghafla baada ya kukutana na tuta na kusababisha magari yaliyokuwa nyuma yake kugonga gari la mbele yake. KWa kiasi kikubwa hali hii ilisababishwa na vumbi kubwa lililotokana na ujenzi unaoendelea wa barabara ya kutoka Dodoma – Iringa.

 

(Pichani : Polisi wakikagua moja ya magari

 yaliyogongana katika ajali hiyo)